தேநீர் தயாரிப்பவன்...

நகரத்தின் நெரிசல் சாலைகளில்
காலம் வெகு சீக்கிரமாய்
என்னை இழுத்துச்சென்றுகொண்டிருக்கிறது..


எல்லோரையும் போலவே
எனக்கும் கோடிகளில் வாழ்த்தான் ஆசை
எல்லோர் போலவும்
எதார்த்தம் எதுவென புரிந்த பின்னரும்..

பினத்தின் முன்
தன் அத்தனை முகமூடிகளையும்
கழட்டியபடி ஆடிச்சென்ற ஒருவன்
விதியின் சக்கரத்தை
இன்னொருமுறை சுழற்றுகிறான்..

ஒரு தேநீர் தயாரிப்பவனின்
தினசரிகளைப்போல் கடந்து போகிறது
வாழ்க்கை
சபிக்கமுடியாத பாவனைகளோடு
தயாரிக்கப்படும் தேநீர் குவளைக்குள்
இருக்கும் சொற்பமாய்
எனக்கான தருணங்களை மீட்டெடுக்கிறேன்..