காத்திருப்பு...

பரவியிருக்கும் வெயிலின் உச்சம் 

வியர்வையாய் பெருக்கெடுக்க,

வளைந்து தொங்கும் கேபிளில் 

இதுவரை ஆறு பறவைகள் உட்கார 

முயற்சிக்க,

யாரோ தவறவிட்ட பணத்தை 

சுற்றும் முற்றும் பார்த்து நான் 

கவனிப்பதை பார்த்துவிட்டு ஒருவன்  

யோசித்தபடி எடுக்க, 

மணிக்கட்டு பார்த்து பூத்து போன கண்களில் 

உக்கிரமான காற்று புழுதியை வீசிச் சென்ற 

தருணத்தில்

தூரத்தில் வருகிறாய் நீ...

உன் தாமதத்துக்கான  

காரணத்தை யோசித்தவாறே...