ரம்யாவின் காதல்கள்...

ரம்யாவுக்கு வயது பதினேழு
கண்களைத் திருடும் பேரழகி
காலையில் துளிர்க்கும் பனித்துளி
காதலிப்போர் பட்டியலில்
முந்தி இருந்தது மூன்றுபேர்

ஒருவன் கூடப்படிக்கிற ரமேஷ்
மானே தேனே மயிலே என்று
மலைமலையாய் எழுதிய
கவிதை நோட்டுகளில் இருந்து
உருவப்பட்ட வாசகங்கள்
ஒய்யாரமாய்ச் சிரித்தன
ஃப்ளக்ஸ் போர்டுகளில்
திருமண வாழ்த்துக்களாக
நண்பர்களுக்கு...

இன்னொருவன் மெக்கானிக் சிவா
காதல் பட பரத் மாதிரி உடம்பு
'மைக்கு'மோகன் மாதிரி மனசு...
பள்ளியிலிருந்து வீடுவரை
வீட்டிலிருந்து பள்ளிவரை
பாடிகார்ட் வேலை தவிர
வேறெதுவும்
முயற்சியில்லை.

மூன்றாமவன்
அவள் அண்ணனின் நண்பன் முகிலன்
வீட்டிற்குள் வந்து போகும் உரிமையும்
அண்ணனின் அனுமதியும் இருந்ததால்
அவள் அவனுக்கே சொந்தமென்று
ஆகாசக்கோட்டையில் மிதப்பவன்

ரம்யாவின் கண்களில்
டாக்டர் கனவும்
பாடப் புத்தக சிலபஸும்

இப்படியும் ஒரு வதந்தி

ஒரேநேரத்தில் ரம்யா
மூவரையும் லவ்வுவதாகவும்...