மழை பெய்த நாட்கள் ...

நீ யாரோ

நானும் யாரோ...

நீ எனக்கு  முதல் பெண் அல்ல,

நானும் உனக்கு  முதல் ஆண் அல்ல,.

நீ என்னையும்,

நான் உன்னையும் ஒரு சந்தர்ப்பத்தில்

பார்க்க ஆரம்பித்தோம்.

நீயும்,
நானும்
சில சந்திப்புகளை உருவாக்கினோம்.

நீ எனக்காகவும்,

நான் உனக்காகவும்

சிலவற்றை மாற்றிக்கொண்டோம்

சிலவற்றை மாற்றிகொண்டது மாதிரி

நடித்தோம்.

நீ என்னை மிகவும் நேசித்தாய்

நானும் அப்படிதான்.,

உயிருக்கு உயிராக என்று வைத்துகொள்ளலாம்..

நீ

பேச,

சாப்பிட,

உடுத்த,

பரிசளிக்க

நான்தான் செலவு செய்தேன்.

நீ சில காரணங்களை சொன்னாய்

நானும் சொன்னேன்.

நீ அடிக்கடி கோபப்பட்டாய்..

நான் விலகி செல்ல ஆரம்பித்தேன்.

நீ யாரையோ திருமணம் செய்துகொண்டாய்,

நானும் ஒருத்தியுடன் வாழ்கிறேன்.

இப்போதும் நான்
உன்னைப்பற்றி நினைப்பதுண்டு..!

நீ.....?