கையிருப்பு இல்லாத வீடு..

இருப்பு குறைவான நேரங்களில் 

வந்து விடும் 

முன் அறிவிப்பற்ற விருந்தாளிகள் 

சூழ்ந்த என் வீட்டில்

இருப்பை தொலைத்தது 

குட்டிகளுடன் ஒரு பூனையும்..

அவசரத்தில் பூட்ட மறந்த இன்னொரு 

நாளில் 

எடுத்து செல்ல எதுவும் வைக்காத

வீடென திட்டி எழுதிச் செல்லவில்லை 

வந்து போன திருடனும்..

மாதக் கடைசி, முதல், நடு 

என

எப்போதும் ஒரே மாதிரியாய் 

வேலையற்றவனின் வீடு..

சமரசங்களை ஏற்றுக்கொண்டு 

பனிந்த வேலை" யில் 

மதியம் சாப்பிடுவதில்லை 

என்ற கொள்கையும் ஒட்டிக் கொள்ள 

அட்வைஸ் மழை பொழிகிறது..

இப்படியாக நகர்த்தும் நாட்களில் 

தினமும் வருகிறார்கள் 

விற்பனை பிரதிநிதிகள் 

வாங்குவேன் என்ற நம்பிக்கைகளுடன்...