20 பிப்., 2012

மூடுபனி...


மெர்குரி விளக்குகளின் கீழ்
இடம்மாறும் 
நெடுஞ்சாலை நிழலென
தேய்ந்து
வளர்ந்து
இந்த நகரத்தில்
சுற்றுகிறதென் வாழ்வு..
...........................................................

நுரைத்திருந்த கோப்பைகளின்
வழியே ஊடுறுவும்
பொன்னிறக் குமிழிகளாய்
ஒரு 
நீள் இரவு நகர்கிறது
காலியாகும் பாட்டில்கள்
கலைந்த சித்திரமாய்
மேசைக்கடியில் 
ஓர் உடைந்த காதலை
ஒப்புவிக்கிறது...
.............................................................
கூட்டம் அதிகமாக இருந்த 
டாஸ்மாக் பார் ஒன்றில்
நின்றவாரே
V.S.O.P 
முழு பாட்டில்
நெத்திலி ஃப்ரை - 2
ஆம்லெட் - 2
ஆஃபாயில் - 4
கொஞ்சம் கலைஞர்
கொஞ்சம் ஜெயலலிதா
கொஞ்சம் சினிமா
நிறைய வம்பு
போதைக்கு ஊறுகாய்..

.........................................................

முன்னெப்போதும் இல்லாத
உற்சாகம் எனக்கு
நீ செத்துப் போனதால்
கொஞ்சம் வருத்தமும் இருந்தது
நான்
கொன்றிருக்க வேண்டும் ..

10 கருத்துகள்:

சிராஜ் சொன்னது…

KRP அண்ணே,

உங்க கவிதை எதும் நம்ம சிற்றறிவிற்கு எட்டவே மாட்டேங்குதே. ஒரு வேலை இது நவீன பின் நவீனத்துவ கவிதைகளோ???? உங்களுக்காவது வெளங்குதா????

சங்கவி சொன்னது…

//கொஞ்சம் கலைஞர்
கொஞ்சம் ஜெயலலிதா
கொஞ்சம் சினிமா
நிறைய வம்பு
போதைக்கு ஊறுகாய்..///

நச்சு....

rajasundararajan சொன்னது…

//மெர்குரி விளக்குகளின் கீழ்
இடம்மாறும்
நெடுஞ்சாலை நிழலென
தேய்ந்து
வளர்ந்து
இந்த நகரத்தில்
சுற்றுகிறதென் வாழ்வு..//

உள்ளுறைப் பொருட்களையே ஆர்வம் கொள்பவன் ஆயினும், இப்படிக்கொத்த மொழிகளை மையலுறாமலும் இருக்க முடியவில்லை.

DhanaSekaran .S சொன்னது…

அருமைக் கவிதை வாழ்த்துகள்

Kumaran சொன்னது…

ரொம்ப..ரொம்ப நல்ல கவிதை சகோ..சிறப்பான வரிகள்..நன்றி.

சீக்ரட் விண்டோ : திகிலூட்டும் மர்ம பட விமர்சனம்..

! சிவகுமார் ! சொன்னது…

அவங்க பேர் என்ன... போனைக்குடு..போன் நம்பர் என்ன? இவரு கேப்டனாம். நல்லா பாருங்க. இவரு கேப்டனாம்...

ஆரூர் மூனா செந்தில் சொன்னது…

அண்ணே நம்ம உடன்பிறப்பா? ரத்தத்தின் ரத்தமா?

dheva சொன்னது…

நகரத்து வாழ்வில் தேய்ந்து விரியும் நிழல் - எதார்த்தம்

டாஸ்மார்க் ஊறுகாய் - ரகளை


கொலை - அட்டகாசம்

நகரத்து வாழ்வில் தேய்ந்து விரியும் நிழல் - எதார்த்தம்

டாஸ்மார்க் ஊறுகாய் - ரகளை

கொலை - அட்டகாசம்.

அடிக்கடி இந்த ப்ளோவுலயே எழுதுங்க செந்தில்... அருமை..!

ஹேமா சொன்னது…

செத்துப்போனதில் உற்சாகம்,டாஸ்மார்க் பிதற்றல் இரண்டும் அட்டகாசம் !

திண்டுக்கல் தனபாலன் சொன்னது…

நல்ல கருத்து ! சூப்பர் ! வாழ்த்துக்கள் !