கழிவிரக்கம்...

ஆற்றாமையாகத்தானிருக்கும்
எனக்கு..

கையேந்தும் பெரியோர்களை 
சிறு பிள்ளைகளை 
பெண்களை பார்க்கும்போதெல்லாம் 
கடவுளை கொன்றுபோட..

அரசுப் பேரூந்தின் நடத்துனர்கள் 
ஏழை வயசாளிகளை 
ஒருமையில் விளிக்கும்போது
என்ன மனித நேயமென..

புலிகள் இல்லாதொழிக்கப்பட்ட 
பின்னும் 
முகாம்களில் தவிக்கும் 
சகோதரங்களை நினைத்து 
புத்தனும் செத்துப் போனான் என..

தெரு வண்டி வியாபாரியிடம் 
பத்து ரூபாய்க்கு கை நீட்டும் 
போலீஸ்காரன் நிலை நினைத்து 
இதுவா கடமை?  என..

கடவுளை 

இனம்பிரித்து வணங்கும் 

காட்டுமிராண்டிகளை நினைத்து

அறிவு வளர்ச்சி இதுவாவென..

ஓட்டுக்கு காசு வாங்கி 

தேர்தல் முடிந்தபின்னர் 

ஐயோகோ 

ஆட்சி சரியில்லை எனும் 

மக்களை நினைத்து 

உன் உரிமை இதுவா என..

தெரு நாய்களைப்போலத்தான் 

வாழ்கிறோம் 

ஆயினும் 

கவுரவத்துக்கு ஒன்றும் 

குறைச்சல் இல்லை..