குளக்கரையில்.....

இரவுகளை சேகரித்துக் கொண்டிருந்த அந்தியில் 

கூடு திரும்பிய பறவைகளின் பாடல் ஒளியின் கீழுள்ள 

குளத்தில் வந்தமர்ந்த நிலவின் அழகில் பொறாமையுற்ற 

அல்லியும், தாமரையும் தன் அழகை மெருகூட்ட 

நட்சத்திர ஆகாயம் பற்கள் உதிரும்படி சிரிக்க 

படிக்கட்டில் வந்தமர்ந்த உன்னை 

மேகம் எட்டிப்பார்க்க 

நிலா கோபித்துக் கரையேற 

அல்லியும், தாமரையும் உனைப்பார்த்து தலைவணங்க 

உன்னருகில் நானும் வந்து அமர்ந்தவுடன் 

சற்றே நின்ற பறவைகளின் பாடலில்  

இரவு நம்மை முழுவதுமாய் மறைத்துக்கொண்டது...